Kumina Janpan defense training school-ah military council sipai 4 te kal ve tura Janpan sorkar-in a pawm chu International human rights pawlin an sawisel nasa hle tih April ni 27 chhuak Japan rama Asahi Shimbu chanchinbu chuan a tarlang.
He mi chungchangah hian Japan lower house security committee-a Japan Defense Minister Nobuo Kishi chuan Janpan National defense Academy-ah luh phalna pek an ni a, pakhat chu Air defense officer training school-a phalna pek a ni tiin a sawi.
Chutianga thuneihna latu military council pawlte training phalsak a nih chungchangah Human Rights Watch (HRW) chuan a sawisel nghal a. HRW hotu pakhat Teppei Kasi chuan, ‘a lungchhiat thlak khawp mai, hetiang thiltih hian Japan chu firfiak pawl nena thawkho dinhmunah an ding dawn a ni,’ tiin a sawi a.
Janpan Defense Minister chuan military council mi leh sate training phalsak turin kawng hrang hranga ngaihtuah a nih thu leh, he training school hi mipui inpawhna (relation) lam leh democracy awmzia hriat thiam theihna a nih avangin, Myanmar ram hmakhua ngai leh dinthar lehna kawngah kawngro a su hle dawn niin a sawi ve thung a ni.
