Firfiak military council hnuaia awm battalion 3 atangin sipai 200 chuang an tlan chhuah thu sipai chhungkhuaa dawnfawh pawlin an sawi thu PVTV news-in a tarlang a.
PVTV news-in document a dawn danin no. 66 LIB 66 atangin sipai 55, no. 10 Operation Commanding Headquarters atangin 201 leh no. 21 Operation Commanding Headquarters atangin sipai 51 te an tlan chhuah thu hriat a ni.
Sipai atanga bang tawh pakhat chuan, “Sipai chhungkhuaah inrahbehna a nasa e mem a. Tlan chhuak duh mah se, tlan chhuahna hun remchang an nei lova, an chhungte nen an control vek a. An thla hlawh leh sum khawl te hmangin an thunun bawk a. Pension hnai tawhte chu pension pawisa beiseiin an awm hram hram a. Hun remchang a awm a nih chuan tlan chhuah an duh vek. Brainwash tawk vek bawk an ni,” tiin a sawi.
Firfiak military council kut hnuai atanga tlan chhuak a, mipui lama inpete chu sing khat chuang an awm thu National Unity Government (NUG) chuan a puang zar tawh a, chutih rualin NUG-in mipui lama inpe sipaite chu lawmman an pek thu leh ralthuam tlanchhuah puite chu lawmman tam zawk an pek thin thu chanchinbu lamin an tarlang bawk a ni.
