Military council sipaite Drone hmanga beitu pawl Federal Wings chuan Multi Rotor leh VTOL drone ang chi te chu an siam chhuah tan theih thu hriat a ni a.
Multi Rotor drone chi chu target fuh chat thei chi niin, bomm bomb leh 81mm bomb te a thlawhpui theiin, a thlak thei bawk a ni.
Drone-ah hian Auto Pilot system hman a nih bakah, military council Jammer te pawh thiamna hmanga veng theih a nih Fedderal Wings chuan an sawi a.
Chung Multi Rotor drone chi chu indona muala hman tan a nih tawh thu pawh hriat a ni a. A chi dang leh chu state pahnih thum thleng pawh, hla taka thlawk thei VTOL chi a ni a, chu pawh chu hlawhtling taka siamchhuah niin, enchhin mek a ni bawk.
Chung drone te, a taka siam chhuahna kawngah strategy 3 hmanga kalpui a ni a, chutah chuan technology tha chi hman, awmze nei zawka beih leh bomb (weapon) tam zawk vuahte a ni a.
Federal Wings ho Drone te chu operation hmun hrang hranga dah theih tur leh hman zui nghal thei turin mamawh dangte phuhru thei turin mipui lam tanpuina dilin Fundraising Program buatsaih an tum hriat a ni.
Fundraising Program chu campaign ang zawnga kalpui ni lovin, muangchang leh regular taka kapuiin, Drone siam chhuahna leh operation senso atan US dollar maktaduai 2 vel an mamawh tur thu pawh hriat a ni bawk a.
Tuna bul tan Federal Wings pawl Fundraising Program chu National Unity Government Prime Minister U Man Win Khai Than-a kaihhruaina hnuaiah Ministry of Communication, Information & Technology department (MOCIT) lamin an buaipui mek a. Mipui lamin tanpuina chu Federal Wings website atanga an pek theih thu hriat a ni.
