Military council sipai pakhat a ralthuam famkim nen CDF-Kanpalet-ah a inpe

0

Chin State, Kanpalet township-a Military council sipai pakhat a ralthuam famkim nen CDF-Matupi an inpek hnuah Kyats nuai 60 an hlan thu CDF-Kanpalet thuneitu pakhat hnen atanga hriat a ni.

Military council Khah Mah Yah (LIB) 304 Battalion hnuaia Private No. 127868 sipai Lin Thet Aung chuan January 30 khan CDF-Kanpalet-ah an inpek thu an sawi.

“Keini chuan kan intiam tawh angin Kyats nuai 60 kan hlan a, ani hi hmun hlim lamah kan dah tha a ni” tiin CDF-Kanpalet thuneitu chuan Mizzima Media a hrilh.

Rawn inpe Military council sipai pakhat hian MA1 pakhat, silai mu 336, rah puah bomb 1, vawm bomb 1, energa 2, inbiakna khawl 1, bulletproof jecket pakhat a chhawm thu hriat a ni.

Military council sipai ten, CDF hnena inpe te an kah hlum thin thu News-ah an puan thin hi thu dik a nih loh thu leh nunrawng taka an chet loh thu  thuneitu ten an sawi a ni.

Heng bakah hian mipui leh a thlawptu te, Military council sipai te leh police te pawh kan dawngsawng thei reng a. Heng inpe te hi he revolution a zawh hnu pawhin hamthatna leh kawng tinrengah duhsak bik an nih dawn thu an sawi bawk a ni.

CDF-Kanpalet hnena in tulut hi mi 10 an chuang tawh a, ralthuam keng lo kut lawnga in pe te pawh  an awm nual thu hriat a ni bawk.

Share.

Leave A Reply

Exit mobile version