Chin State, Mindat township-ah Military council sipai ten ralthuam an tawngpawng kah chiam avangin kum 10 mi naupang a boral thu hriat a ni.
February 8 khan Mindat khua A Sih Pin Ward khaw luh dawn hnaihah Military council sipaite leh CDF-Mindat-te an inkah avangin Military council sipai 2 an thi a, 2 an hliam thu CDF-Mindat ten an thuchhuahah an tarlang.
He inkahna avangin Military council sipai ten ralthuam an tawngpawng kah chiam a, kum 10 mi naupang pakhat a hliam nasa hle a, a boral nghal thu CDF-Mindat ten an sawi.
Hliam nasa tuar Military council sipai ten Mindat khuaa A Sih Pin Ward-ah chenna in an hal nasa hle a, biak pawh theih an nih loh avangin In hal zat hriat chian a la ni rih lo.
