Military council sipai ten Thhlawhna hmanga an beihnaah Kalaymyo atanga hmar lam Pyin Taw Oo (Tuingo) khuaa chenna in 6 vel a kan chhiat thu hriat a ni a.
March 31 atangin April 3 thleng khan Kalaymyo atanga hmar lam Tuingo khuaah Military council sipaite leh PDF te inkahna avangin Tuingo khuaa chenna in 6 vel a kan chhiat bakah In 10 chuang a chhiat thu CDF-KKG Battalion-a thuneitu pakhat chuan heti hian a sawi.
“Ralthuam liana an bomb avangin In 6 a kang chhe vek a, In 10 chuang aia tlem lo a chhe nual bawk a. Heng chhiatnate hi Kalaymyo khua atanga Laipui an kah chhuah, a bomb chhiat te an ni” tiin CDF-KKG Battalion thuneitu pakhat chuan a sawi a.
Burmes lam dana Pyin Taw Oo (Pin Taw U) tia an lam thin Zo hnathlakte awmna Tuingo khua hi Kalaymyo khawpui atangin mel 12 vela hla, In 800 chuang awmna khua a ni a. A khawpum tualchhung mipuite Kalaymyo lamah an tlanchhiat vek thu hriat a ni bawk.
April 6 tuk khan PDF ten khawchhung then fai hna an thawhnaah a khawchhung mipui zinga tu tih hriat loh mi 3 ruang an hmuh thu hriat a ni a.
Heng ruang 3 an hmuh zinga ruang pakhat chu PDF sipai a ni a, ruang dang 2 erawh tualchhung mi te an nih thu hriat a ni a. Heng bakah hian Military council sipai ten Baptist Biak in pakhat leh chenna in an tichhe nual bawk a ni.
