Military council sipaiten an man leh an kah hlum thin avangin July thla chhung khan Myanmar ram chhungah hmeichhia 21 an boral tawh thu Burmese women’s organisations (BWU) chuan August 5 khan a tar lang a ni.
Ralthuam liana bomb avangin mi 11, ralthuam te silai avangin mi 6, Thlawhna avangin mi 3 leh hal hlum avangin mi pakhat an vaiin mi 21 an boral tawh thu an thuchhuahah an tar lang a ni.
Heng bakah hian Bago regtion, Tanintari (Ta Nin Ta Ri) region, Yangon region, Magway region, Mandalay region, Sagaing region, Mon State leh Shan State-a hmeichhia 19 te an man bawk a ni,
Sagaing region, Khin U township-a raltlan zinga hmeichhe pakhat chuan Military council sipaiten thuneihna an lak hnu hian hmeichhia te lakah a him tawk loh thu heti hian a sawi a.
“Military council sipaite chetna hi kan hlau hle a, raltlanna hmunah mipa te nen kan inawm pawlh nawk nawk a, a hrehawm khawp mai, a him lo mai pawh ni lovin a him lo tak zet a ni” tiin a sawi a ni
An hmeichhia man thenkhat te phei chu Military council sipaiten an pawngsual fo nia hriat a ni bawk a.
Military council-ten thuneihna an lak hnu atanga kumin 2023 July thleng hian Military council sipaiten hmeichhia 3647 an man tawh thu Burmese women’s organisations (BWU)-ten an thuchhuahah an tar lang a ni.
