Military council sipaiten a huhova an thah, tum 144-naah mi 1596 an boral tawh thu NUG sorkar human right Ministry te hnen atanga hriat a ni a.
Military council-ten thuneihna an lak January 1 atanga kumin 2023 July 31 thleng khan Military council sipaiten kum 2021-ah a huhova an thah tum 11, kum 2022-ah tum 85 leh kumin 2023-ah tum 48 an that tawh a. Kumin 2023 July 21 khan Sagaing region YinMaPin township, SoneChaung khuaa an thah tumah kum 18 hnuai lam mi 4 telin pawi sawi lo mipui 14 a huhova an thah tawh thu hriat a ni bawk.
Military council sipaiten a huhova an thahnaah hian mi 5 chung lama chhut a ni a, hetia an thahna avangin human right dan an pal zut a, a theih ang anga hrem turin NUG sorkar human right Ministry-ten hma an lak dawn thu an thuchhuahah an tar lang a ni.
Military council sipaiten a huhova rawng taka an thah tak te hi a theih ang anga chhinchhiah zel a nih thu hriat a ni a.
Military council sipaiten mipui te rawng taka a huhova an thah tak te leh diriam taka an sawisak hlum te hi human right dan pal zut an nih angin international human right pawlah emaw human right thuneitute hnenah report zel turin mipui te an ngen a ni.
