Sagaing region, DaBaYin township, MaYaKan khua chu Military council sipaiten a tum 3-na atan chenna in 30 chuang an hal chhiat thu DaBaYin township-a Ngi Naung pawla thuneitu pakhat chuan Yangon Khit Thit Media a hrilh a.
August ni 1 atang khan Military council sipaiten Ye U khua atangin DaBaYin khaw lamah an pan a, August 2 khan YaMaKan khuaah luhchilhin a vawi 3-na atan chenna in 31 an hal chhiat thu hriat a ni a.
DaBaYin khawpuiah hian Military council sipaiten ralthuam lian nena an luhchilh avangin khaw 11-a tualchhung mi 5000 chuang an tlanchhiat tawh thu People’s Defense Comrade, information-a thuneitu Thu Khant Zaw chuan a sawi a ni.
DaBaYin khawpui atang hian tualchhung mi 13000 chuang an tlanchhe tawh a, ei in leh kawng hrang hrangah chhawmdawlna an mamawh hle thu mipui te hnenah an tlangau bawk a ni.
Military council sipaiten DaBaYin khawpui an luhchilh avangin chenna in 6000 chuang an hal chhiat tawh thu hriat a ni bawk.
