Chin State, Halkha leh Thantlang khaw inkar Timit phaitualah Military council sipaite leh CNF/CNA tangrualte nen chawlhkar 2 chhung an inbei tawh a. Timit phaituala inbeihnaah hian Military council sipaite an thih nual angin CNF/CNA sipaite pawh an boral nual thu hriat a ni a. Hemi chungchangah Khonumthung Media-in CNF/CNA thupuangtu Salai Thet Ni, an interview-na chhunzawmna lo tar lang leh ila.
Zawhna: A nih chuan Thantlang khua an thunun tawh hnuah CNF hmunpui an rawn hnaih ang dinhmun a ni maw?
Chhanna: Ni e, chutiang dinhmun chu a ni ber mai. A chhan chu Min Aung Hlaing khan a sawi lawk tawh angin NUG sorkar nena in hnamhnawih pawl reng reng beihpuithlak takin kan bei zel dawn tiin a sawi lawk tawh a. Kan hriatsa theuh tawh angin hma an la zel a ni ber mai.
Zawhna: A nih si chuan, inbeihna hi a nasa thei ang em, tun ai hian beihpuithlak i ring em?
Chhanna: Rin aiin boruak chu a nasa mai thei. Eng vang nge tih chuan Chin Hill hi an bei nasa tawh hle a; chutiang vekin Sagaing region leh Kayinni chhehvelah kumin chhung khan an bei nasa hle a, chuvang chuan keini pawh hi min bei nasa dawn tih hi kan ring sa reng a ni. Chu chu an hmalak tum dan a ni a; mahse Myanmar zalenna sualtute hi chuan eng lai pawhin a dinna ngai rengah a ding reng dawn a. Anni chuan mipuite hi ral anga enin an bei zel a nih hi.
Zawhna: Timit phaituala inbeihnaah hian Chin sipaite an boral tam hle a, hemi chungchangah eng nge sawi duh i neih le?
Chhanna: Keini hi chuan ralthuam kenga beih hi kan tih turah kan ngai a, ram leh hnam tan nun thapin kan bei a ni tih hi kan ruahmanna chu a ni. Heng vanga ram tana nunna hlantute hi kan sun bik a, zahna chibai kan buk tak meuh a ni. Military council sipaiten min beihna avang hian rilru a tiso sang zual a, kan beih let venaah ralthuam kan nei chau deuh a ni ber mai. Chuvangin kan sipaite boral an tam lo thei lova, a pawi khawp mai. Eng pawh ni se, kan rilru a hnual lova, ram leh hnam, mipui tan hian, a tawp thlengin kan bei zel dawn a ni tih hi kan hriatsa theuh tawh angin ka sawi ve duh a ni.
