Myanmar Military council Gen. Min Aung Hlain chuan August 1 ni khan Capital NayPyiTaw hmuna an pathian lim lianpui Ma Ra Wai Ji Ya tluang tak an din fel lawmna ni pah fawmin inhlan thianghlimna hun an neih hriat reng nan tiin Jail tang mi 7749 a chhuah zalen a. State Counselor Aung San Suu Kyi leh President U Win Myint te thubuai thenkhat te pawh an ngaihdam thu hriat a ni a.
Daw Aung San Suu Kyii hi thubuai case 19-ah thiam loh chantirin kum 33 chhung Jail bang zut tura tih a ni a. Chung a thubuai awrh case 19 atang chuan case 5 chu ngaihdam a ni a. U Win Myint hi a thubuai awrh 8 atangin kum 12 chhung tang tura tih a ni a, a thubuai awrh 8 atangin thubuai 2 chu ngaihdamsak a ni bawk a ni.
Kum 78-a upa Daw Aung San Suu Kyi hi NayPyiTaw khawpuis an hrenna hmun atangin a chenna in thin Inyar lake, Yangon ah dah a ni tawh tih thuthang erawh Military Council in an la puang lo a ni. Myanmar ram chhunga Jail hrang hrang atang an chhuah zalentir te hi tu tute nge hriat theih an la ni mai lova, Insein Jail atangin mi 1000 vel bawr an chhuah ngei nia hriat a ni bawk.
