Sagaing region, KaTha township, KaTha township, InnDaYan leh PaLueYue khuaah Military council sipaiten tualchhung mi 5 an thah thu tualchhung mipuiten Yangon Khit Thit Media an hrilh a.
July 28, zing dar 6 vel khan KaTha township, InnDaYan leh PaLueYue khaw bulah PDF te leh Military council sipaite an inkap nasa hle a, Military council sipai thi leh hliam an awm nual thu hriat a ni a. Chawhnu dar 11:30 velah inkahna a reh deuh hnuah Military council sipaiten InnDaYan leh PaLueYue khuaa tualchhung mi te an man nual zingah mi 5 an thah thu hriat a ni a.
Military council sipaiten tualchhung mi 5 an thah tak te hi kum 18-45 mi te an ni a, an man zinga tualchhung mi 10 te chu chin hriat lohva an awm thu hriat a ni bawk.
“July 27 khan Military council sipaiten InnDaYan khua an luhchilh hnuah buk an khuar nghal a. July 28-ah PDF nen an inkap a, Military council sipaite thi leh hliam an awm nual a. Hemi ni chawhnu dar 11:30 velah inkah boruak a reh hnu lawkah khawchhunga tualchhung mi an man zingah mi 5 an that a, tualchhung mi 10 te chin hriat lovin an bo” tiin tualchhung mi pakhat chuan a sawi a ni.
