June 1, tuk khan Sagaing region, Khin U township-ah Military council sipaiten an luh chilh avangin tualchhung mi 3000 chuang hak lai chauha an tlanchhiat nual thu tualchhung miten an sawi a.
Zing dar 5 vel atang khan Military council sipai 100 rualten SweBo Navy training No.8 hmun atanga an luh chilh avangin Khin U township huam chhung khaw 5-a tualchhung mipui 3000 chuang an tlanchhuah thu hriat a ni a.
He operation hian Khin U leh Ye U kawng atangin an hal tan a, a khaw chhehvelten an hlauh avangin an tlanchhiat nual thu hriat a ni bawk.
Tun dinhmunah hian YwaThit (Zua Tit) khuaa an beih meknaah mei khu a zam nasat thu Khin U khuaa hming thup pakhat chuan FRA Media a hrilh a.
Military council sipaiten an beihnaah hian Khin U township khawtluan hma tiamin In an hal zel a, YwaThit khuaah Military council sipaite an la awm avangin in hal chhiat zat hriat theih a la ni lova.
Military council sipaiten an beih avangin tualchhung mipui 3000 chuang an hak lai nen chauh an tlanchhe hlawm a. Naupang leh kum upate an hriselna an ngaihtuahawm hle a, awm hulna tur chung khuh Silpaulin leh an mamawh tinreng a rang lama tanpui an ngaih thu Khin U township-a raltlan tanpuituten an sawi a ni.
He thil thleng chungchangah hian Sagaing region, Military council thupuangtu region Inmmigration Minister U Aye Hlaing, RFA Media-in phone hmanga a zawhnaah chhanna a la awm rih lova.
Sagaing Khin U towmship hi Military council-ten thuneihna an lak hnu khan Military council sipaite do pawl zinga khua an ni a, Military council sipaiten an tin zawn ber khua pawh a ni bawk.
Kum 2014-a chhiarpuiah khan Khin U township-ah hian mihring 150000 vel an awm nia chhut a ni a, Zaa 92 hi Khawt lian vak lo te an ni a.
UNO CHA-ten an chhinchhiah dan chuan Military council-ten thuneihna an lak hnu hian mipui chenna in sing 6 chuang an hal chhe tawh a, in leh lo tlansan mi maktaduai khat leh a chenve chuang an awm tawh thu an tar lang bawk a ni.
