Mindat township, WanKhone khuaah inkah buaina awm lovin Military council sipaiten Middle school an bomb chhia a, zirlai mi 100 chuangte school tur sak that leh a ngaih thuah tanpui an ngaih thu hriat a ni a.
“Kan khua atanga hla vak lova School vawi 4 zet an bomb avangin a chhe hneh hle a, kan biru deuh vek a, School-a kal lai chu ni se, kan zirlai lai naupangte an thi vek ang. School chawlh lai a nih avangin kan vannei khawp mai” tiin Mindat township-a ralltan veng himtu pawl zinga thuneitu pakhat chuan a sawi a.
WanKhone khuaah hian khaw danga raltlan mi 40 leh tualchhung mi 200 vel te chu Military council sipaiten Thlawhnain an bomb avangin vawiin thleng an la haw ngam rih lova. Tualchhung mi 3 boral ta te pawh khaw pawn ramhnuaiah hlauthawng chungin an vui liam thu hriat a ni bawk.
WanKhone khuaah hian pound 500 bomb 2, bomb phir 4 leh ralthuam lianin School leh chenna in 10 chuang an bomb chhia a, Mindat khuaa Mah Lah Yah 274-ten vawi 4 an bomb thu hriat a ni bawk a.
Raltlante tan hian ei in leh chakkhai an mamawh hle a, chakkhai pekna tur kawng chungchangah harsatna awm mah se, theihtaw chhuah mek a ni a, tanpui theuh turin Mindat khuaa raltlan chhawmdawl pawlten an sawi a ni.
June 28-a Military council sipaiten LokKhe khua, an bomb-naah an tanpui mek thu leh kumin 2023, thla 6 chhunga Military council sipaiten Mindat township khaw hrang hranga an beihnaah Kyats nuai 500 chuang an tanpui tawh thu Mindat raltlan tanpuitu pawlte hnen atanga hriat a ni bawk.
