Rakhine State, Mawung Taw township-ah July 18 khan, Military Council te leh Rakhine sipai te, tum 2 an inkap tawh a. Military Council te an inpuahchah nasa hle a, inkahna a nasat mai theih avangin Rakhine sipai (AA) ten mipuite a hriattir thu, a chhuah.
July 18 tuk khan, Maung Taw township-ah Military Council te leh Rakhine sipai te tum 2 an inkap a. Military Council lam an thi nual a, Police Officer pakhat tiamin sipai mi 14 an man thu an tar lang.
Heng bakah hian Military Council te hian tualchhung mipui te, zana an man avang te, Rakhine mipui hruaitute an zawn avang te leh Court-a hna thawk te an tihbuai avanga man an tum te, mipui an rikrap avang te, ralthuam lian nena an tihthaih avang leh an chhawr lui thin a. Buaina cho chhuah an tum avangin Rakhine State-ah inkahna nasa tak, a chhuah mai theih thu an tar lang.
July 18 khan Maung Taw township-ah inkahna a thleng a, Military Council ten ralthuam lian leh te bakah zen tam tak an laksak thu an tar lang.
Myawadi (Miah Wa Di) Administator chuan “ Tunah rih chuan Maung Taw township hmar lamah boruak a dai rih. A hnuah eng nge a thlen dawn kan hre lo. July 18 khan inkahna a thleng a, tunah rih chuan a la reh hle. Mahse, nakin lawkah inkahna a thleng palh ang tih chu kan hlauthawng hle” tiin a sawi.
Maung Taw hmar lama tualchhung mi pakhat chuan “ Maung Taw hmar lama, kawng te chu nimin piah khan an khar nain July 19 khan Military Council ten an khar chuang lo. Kal tlang an phal tho. Mahse, hmar lama tualchhung mi te an kal duh lo. Motor service an awm lova, hmar lama tualchhung mi te, pawn chhuak lovin inah a awm tawm vek” tiin a sawi.
Tun dinhmunah chuan Military Council ten Maung Taw velah Thlawhnain sipai an chhek khawm a, Yatit Taung lama Military Council te pawh Maung Taw township hmar lam, an tinzawn mek niin tualchhung mi pakhat chuan a sawi.
