Military council-te thuneihna hun thla 6 dang pawh sei leh a ni

0

2008 Constitution Article 425-nain a tarlan angin , emergency period chhung tan kum 2023 February 1 khan thla 6 dang thunneihna keng kawh leh turin Defence leh security council chuan thutlukna a siam.

Heng thuneihna zawng zawng hi State Administration Council Chairman leh Army force commander in chief hnenah thuneihna pumhlum an hlan tur thu an rel bawk.

2008 Constitution Article 425-naah hian Army force commander in chief hian a hna a tih zawh hman loh chuan, thla 6 dang pawh sei leh theih thu leh thuneihna hi  Chief of Defence-in emaw pawl hrang hrang ten an keng kawh thei tih a chuang a ni.

Defence leh security council rorelnaah emergency period chhung hian kum 2020 inthlanpuia NLD thlan tlin te kal tlanga CRPH, NUG leh PDF te dinhmun, General Min Aung Hlaing’an a sawinaah tunah rih chuan dinhmun pangngai an phak loh thu a sawi tel a.

Heng bakah CRPH, NUG leh PDF te hi tharumthawhtuah a puh a, mi that hmang, bomb hmanga beitu leh ralthuam hmanga mi vau thin te tiin an sawi zui bawk.

Emergency period chhung thla 6, tum 2 zet pawh sei tawh ni mah se. inthlanpui turah hun leh vote thlak dik bakah security te a pawimawi avangin Min Aung Hlaing hian thla 6, term khat a pawt sei ta a ni.

Thla 6 chhung thuneihna an pawh sei leh chungchangah Constitution hmanga kalpui a nih thu Defence leh security council rorel hnuah Military council TV chuan a puang a ni.  

Share.

Leave A Reply

Exit mobile version