Military Council ten Dollar an thunun avangin bungraw thawn chhuahna Licence phal chin an neih avangin thawn chhuah leh lak luh chungchangah harsatna an tawn thu sumdawng mi pakhat chuan a sawi.
Military Council kut hnuaia Central Bank hian cheng thleng a thunnun a, US Dollar , hlutna chu tiam chin awm lovin an thunun.
A tirah chuan Myanmar tangka hlutna sang tura an tih laiin an takah chuan a hniam zel a, rangkachak leh Dollar lei tan pawh hniam lam aiin san lam a pan.
Dollar thlengna a san tak avangin bungraw thawn chhuah leh lak luh bakah sumdawnna tenau thlengin nghawng a nei chho.
Sumdawng lian mi pakhat chuan “Kan hriat angin Dollar man a sang a, US, Central Bank, sum pung san vang a ni. Ram hausaah pawh an tawk a, keini ram hmasawn tur tan a nghawng lehzual. Hmanah pawh export an tam lo, Dollar azirin a ni mai. Mipui te hian chenna in leh hmun, rangkachak leh Dollar lei an rilruk. Tunah rih chuan Dollar lei tur a vang a, zuartu pawh an tlem. Chu vangin ram chhung thil chhuak atang chuan a harsa a, sumdawmna tenau tan a khirh lehzual. Hemi avanga thil man, a san chiam hi a tul lo.
Dollar man a san avangin bungraw thawn chhuaktute hlawk mah se, a thawntu leh la luttu te tan harsatna a thlen tho tih hriat a ni.
Bungraw thawn chhuaktu (exporter) pakhat chuan “Ram dangah chuan dollar thlengnaah an pawisa a lo tlak hniam pawhin, thawn chhuah leh lak lutnaah a tla ve lo a. Thai-ah chuan thla tin Ton Maktaduai 2 thin a ni a, a chhan chu a rate a tlawm vang a ni. Kan ramah chuan dollar man a san chuan, thawn chhuah thin Buhfai, Be, Thlaihnah leh sangha man thleng a to a. Dollar rate an fix tlat avangin exporter-ten pawisa pung cho vak chu an hmang tangkai thei lo a ni. Ram dangah chuan thawn chhuah hi an pe tlawm thei a. Entir nan, ton khat dollar 400-a hralhna chu cheng thlengna sang mah se, 390-in an zuar thei a. Keini chu 400-a zawrh lai chu dollar rate 1850 bithliah a nih tlat avangin, 430 leh 440-a hralh chhuah ngai dinhmunah a awm a. Mahse, kan hnenah an rawn lei duh tawh lo. A tlawm zawk an pan a, a nihna takah chuan dollar rate a sanin, exporter-te an lawm thin a. Dollar rate a hniamin importer-te an lawm thung a. Mahse tunah chuan a tu a mah an lawm thei lo. Tin, export tur atan Advance TT system hmangin foreign sum chu bank account-ah dah luh hmasa a ngai a. Chu mi hnuah chauh license inpek tur tih chu a taka hmantlak a ni lo,” tiin a sawi.
Bungraw thawn luttu pakhat chuan “Dollar hi kan hum reng thei lo a. Bank Account-a dollar awm chu 1850 rate-in an lo thleng nghal a. Tun hma chuan Sorkar kaltlangin dollar kan lei lova, mahni ruahman dan anga leiin, bungraw lakluh lakchhuah chu kalpui thin a ni a. Tunah chuan chutianga tih dawnin, license min pe chhuak lova.Tuna kan buaina pakhat chu pawisa rate a sang chho a, bungraw lakluh phalna license min pe chhuak lo bawk a, chu mi pahnih chu kan mu tanna ber a ni,” tiin a sawi.
Military Council-te kut hnuaia Ministry of Economy & Commerce ten an thuchhuah dan chuan tuipui kana ram danga thawn chhuah zat hi 2022-2023 Budget year atan July 8,2022 thleng khan US Dollar Makraduai 4540.9 an hmu a, import-ah US Dollar Maktaduai 4622.6 hmuh a ni.
