Myanmar Military council ten Martial law an puanna hmun Chin State township 7-ah mi 5 aia awm khawm an phal loh avang leh zan dar 6:00 atangin zing dar 6:00 thleng curfew an puan thu Northwest Military District, commander in chief General Than Thaih chuan thuchhuah a siam a ni.
Febraury 4-a commander in chief-in an thuchhuahah chuan Martiasl law puanna township-ah hian Security, khawchhung zalen nan leh dan kenkawh anga awm theih nan mi tu pawh zan dar 6:00 atangin zing dar 6:00 hma leh mi 5 aia tam awm khawm phal loh a nih bakah kawnga kal te, a huhova thil tih te, hriamhrei ken leh kangmei tichhuak thei thil te ken phal loh a nih thu a tarlang bawk.
Heng bakah hian kawng dal zawngin emaw, mipui harsatna siam zawnga awmho te leh security te tibuai zawnga awm lo turin commander in chief chuan a sawi zui bawk a ni.
He thupek anga zawm lo leh tilui an awm chuan security ten a na thei ang berin an hrem ang a, Thupek dang a awm hma loh, he dan hi kenkawh zel tur a ni.
February 1 kha Military council ten thuneihna an lak, a kum 2-na a ni a. Thla 6 dang thuneihna an pawh sei leh hnuah Military council te chet natna Chin State, township telin township 37-ah Martial Law an puang a ni.
Hetia Martial Law an puan hnu hian Northwest Military District, command huam chhung Chin State telin Sagaing region-ah township 11, Magwe region-ah township 5-ah zan curfew leh mi 5 aia tam lo awm khawm phal a nih loh thu thupek an chhuah a ni.
