Military Council te hunah hian Power Supply pek chhuah chungchangah a tlak hniam nasat avangin Current pek chhawk tur tih a ni a. Military Council puipa ber Gen.Min Aung Hlaing chuan Power Car leh Rail hman zawk a nih dawn thu a sawi nawn.
March ni 29, Neypyitaw-a Military Council te Meeting-naah ram chhunga tuialhthei pek chhuah chungchangah tihkiam tum a ni a, mipui te hnathawhna atan Power Car leh Rail hman zawk a nih dawn thu a sawi.
Chuvang chuan Thli hmanga power lak chhuah dan te, Solar atanga power lak chhuah dan te, Tuifawn hmanga power lak chhuah dan te ruahman mek a ni a, mipui ten tuialhthei hman chungchangah tihkiam a nih dawn thu a sawi tel bawk.
Hetia an sawi lai hian, Power pek chhuah kan indaih lohna chhan chu Sorkarna kan lak hnu hian Solar atanga power pek chhuahna ruahman sa tihtawp vek a nih vang te, ram chhung pawisa hlutna tlak hniam vang leh US Dollar san vanga LNG Project tihtawp avang te leh ram chhung Power Project-a ram dang te nena Invesment Project-ah an tawpsan avang te a ni, a ti.
Heng Project te hi NLD sorkar lai, Thal chhunga Hydro power pek chhuah a tlem lai khan kum tin mamawhna a sang tual tual a, chumi a chhilh khah nana an ruahman short plan leh long plan Project te an ni.
Heti ang a, Gen. Min Aung Hlaing-an Power Car leh Power Rail hman zawk tur tia an sawi nawn fo laiin rampum huapah July thla atangin pangngai taka Power pek chhuah an nih dawn thu hman ni lawk Press Conference-ah Military Council thupuangtu Major General Zaw Min Tun-an a sawi. Tun dinhmun riah chuan Current lah chu a kal tha mumal lova, tukpum kal loh chan te a awm fo mai.
