Kum 78 zeta upa tawh State cousellor Daw Aung San Suu Kyi chu Naypyitaw khawpui Tan in, hmun pakhatah khung mek a la ni a, hman ni lawk khan Military council puipa thenkhatten an tlawh thu Naypyitaw news chuan June 12 khan a tar lan thu RFA Media chuan a sawi a.
Militaty council Home Affair Minister Lt. General Soe Htut, Lt. General Yar Pyi leh Lt. General (Rtd) Khin Zaw Oo te chuan May 27-ah leh June 4 khan Daw Aungt San Suu Kyi chu an tanna Naypyitaw khawpuiah an tlawh thu Naypyitaw khawpuia mi pakhat chua RFA Media a hrilh a.
Tuna ram chhung boruaka zalenna leh muanna a awm theih nan tharumthawhna hi awm tawh lo turin an sawipui a, Daw Aung San Suu Kyi chuan eng thu mah a chhan loh thu, thu dawnna chuan a sawi a.
He an inhmuh thu hi RFA chuan nemnghehna chiah a la nei loh angin Military council te pawn eng thu an chhuah rih loh thu hriat a ni bawk.
He thu chungchangah Deputy Director General U Win Naing leh Military council thupuangtu Major General Zaw Min Tun te RFA Media-ten phone hmanga an zawhnaah chhanna a awm rih lo a ni.
Daw Aung San Suu Kyi hi Military council-ten thubuai 19 awrhtirin kum 33 Jail bang zut turin an hrem mek a, Naypyitaw khawpui Tan in pakhatah an khung mek thu hriat a ni bawk.
