Sweden rama innghat energy company hming lar tak AFRY chuan Myanmar-a tui tha hmanga eng pek chhuahna (Hydropower) company-in project hmanga an bun tum chu April 28 khan an thluh leh thu an puang a.
Military council-ten thuneihna an lak hnu atang khan Myanmar ramah human right zah lova an pal zutna hi ni tin a hluar zel avangin an ruahman lawkna pawh an thluhsan leh thu an sawi a.
Kum 1895-a din, ARFY company hian Myanmar-a an thawhna kum 20 a chuang tawh a, Hydropower project hmun 3-a an thawh bakah tuna project-ah pawh an thawh tel thu hriat a ni a.
Heng project zawng zawng te hi Military council-ten thuneihna an lak hmain remtihna thuthlung an ziah hnan vek tawh a. Military council-ten thuneihna an lak hnu atang hian Military council-te thlawp zawng leh thawhpui anga ngaihna a awm thei a. Heng bakah Military council-ten human right zah loh avanga an pal zutna chungchangah pawh a thlawptute kan ni lo tia thutlukna an siam thu AFRY company chuan an thuchhuahah an tar lang a ni.
