Sagaing region, Khin U township-a khaw hrang hrangah Military council sipai ten an luhchilh leh avangin khaw 8-a tualchhung mipui 2500 chuang in leh lo an tlansan thu tualchhung mi ten Yangon Khit Thit Media an hrilh a.
April 18 tuk khan Military council sipai 83 rual ten Ye Oo (Yi U) township leh Khin U township-ah luhchilhin Mu Myit tuipui Leidawh an kai a, Inn Pat Kuit chhehvelah operation an neih avangin khaw 8 zinga tualchhung mi 2500 chuang in leh lo an tlansan nual thu hriat a ni.
“Tualchhung mipuite a khaw chhehvel, leilet hmunah leh a rem remnaah kan tlan darh nuai a. Hetia an tlanchhiat lai hian Military council sipai ten an kap fuh palh ang tih kan hlau khawp mai. Tun dinhmuna kan hriat dan chuan khaw 8 velah mi 2500 chuang vel kan tlanchhia” tiin tualchhung mi pakhat chuan a sawi a ni.
