Myanmar kum thar (April 17) denchhenin Military council ten Lung in tang mi 3000 chuang an chhuah zingah NLD sorkar hun laia Finnace Minister hlui U Kyaw Win chauh politic vanga tantir awmchhun an chhuah thu AAPP hruaitu U Tun Kyi chuan RFA Media a hrilh a.
“Kum 75 upa a ni tawh a, kum 3 tang turah kum 2 a tan tawh avangin an chhuah ta a ni ang” tiin a sawi.
U Kyaw Win hi kum 2021 February 4 khan Daw Aung San Suu Kyi leh NLD puipa te nen ramchhung tibuaitu section 31/C hmangin kum 3 Jail tang tura hrem an ni a,
Military council sipai ten Myanmar kum thara Jail tang mi 3000 chuang an chhuah dawn an tih avangin Military council ten thuneihna an lak hnua politic avanga tangte an chhung ten beisei takin Jail kawtah an nghak nual a.
Heng zingah hian Kachin Baptist Convention (KBC) President hlui Rev. Dr. Hkalam Samson nupui pawh an tel thu hriat a ni.
“An chhuah zingah ka pasal a tel ve lova, hrilh a hai duh khawp mai, A chaw ei tur ka ken pawh ka haw leh a. Kohhran rawngbawltu a nih angin Tan ina awm reng a rem lova, Chhuak thuai se ka lawm ngawt ang” tiin Pastor nupui chuan a sawi.
April 17, khawvar hma atangin Yangon Insein Jail kawtah Jail tang chhung ten an nghak thup a. Yangon region NLD Minister U Naing Ngan Linn nupui pawh a tel ve a ni.
Assistance Association for Political Prisoners (AAPP) ten an chhinchhiah dan chuan Military council ten thuneihna an lak hnu hian mipui 3200 chuang an that tawh a, mi 21000 chuang an man tawh thu an tarlang a ni.
