Section 505(A) hmanga thla 7 chhung an hren tak Tedim khawpuia Pastor En Khat Muan , Military council ten January 19 khan an chhuah zalen thu hriat a ni.
Chin State, Tedim khua Shalom Youth Committee Thalai tlawmngai pawla an hruaitu ni bawk Pastor En Khat Muan leh Pu Lian Sian Mung te, Non-CDM te nen inkungkaih thilah PDF-Zoland te thuchhuah loud speaker-in an au chiam tih avangin kum 2022 June 27 khan Military council sipai ten an man a.
Tedim khuaa mi pakhat chuan “An hriselna a la tha a. PDF-Zoland thuchhuah an au avangin ni 200 chuang an khung a. Khaw nu leh pa te leh kohhran tangrual ten chhuah turin an dil” tiin a sawi.
Anni pahnih hi Tedim khua police satation-ah an khung a, Pastor En Khat Muan hi section 505(A) hmangin thubuai an awrhtir a, loud speaker hmanna in neitu Pu Lian Sian Mung Junly 5 khan a intiamkamnain an chhuah hnuah Pastor En Khat Muan pawh Military council ten an chhuah zalen ta a ni.
