Inkahna nasatna hmun ni mek, Kalaymyo chhim lam, Tayakone khuaa Military Council te buk inkhuar te chuan, tualchhung mi 3 an that a, mi 30 vel an man thu PDF (Kalay) Battalion ten an sawi.
GTI University bul lawka awm, Tayakone khuaah hian Military Council-te leh PDF tangrual te chu Augusr 2-4 thleng khan an inkap nasa hle a. Military Council ten Tayakone khuaa chenna in an hal chhe nual a, tualchhung mi 30, an man thu PDF (Kalay) Battalion 1-a thu neitu pakhat chuan a sawi.
“Tualchhung mi 30, an man zinga mi 3 an that a, a dang mi 27 an la man” tiin a sawi.
In 300 nufa awmna Tayakone khuaah hian mi 1500 vel an cheng a, Chin mi tam zawkte awmna khua a ni.
August 6 pawh khan Kalaymyo Taungphila Veng Sorkar hnathawkte awmna Building kiangah Military Council-te leh PDF tangrual te an inkap leh a. Military Council-te Motor 2, an Bomb-naah Military Council mi 6, a hmunah an thi nghal a. mi dang mi 4, Military Council Damdawi inah an phurh hnuin an thih zui nghal thu PDF(Kalay) te chuan an thuchhuahah an tar lang.
Bomb kam tipuah avanga Military Council hliam tuar te hian silai an tawngpawng kah chiam avangin a bul hnaia awm tualchhung mi pakhat kah fuh a nih thu hriat a ni.
Heng bakah hian Kalay chhim lam, vaukam Leidawha buk inkhuar Military Council-te hian Myaung Chaung (Miaung Chhong) Leidawh lam an pan laiin PDF (Kalay) ten Bomb kam hmangin an bei a, Military Council mi 10 an thi a, mi 10 aia tlem lo an hliam thu an sawi.
Chutiang vek chuan Kalaymyo hmar lam, Yazagyo (Ya Za Chu) khuaah August 4-a Military Council lut te chuan, a tuk zing atangin chenna in an hal chhe nual a, tualchhung mi pakhat an thah thu PDF(Kalay) ten an thuchhuahah an tar lang.
