Tanintari (Ta Nin Ta Ri) region, Thayetchuang township, Myeih-Dawei khua inkar Motor kawngpui kama awm YeNge khuaa tualchhung mi 80 chuang Military council sipaiten an man thu Tayetchuang tualchhung miten RFA Media a hrilh a.
Military council sipai 30 rual ten April 23 tuk khan khawchhung an luh chilh hnuah tualchhung mi an man nual a, YeNge khua Monastery hmunah an check nasat hle thu Tayetchuang khua security zinga hming thup pakhat chuan RFA Media hnenah a sawi a ni.
“Zing dar 7:30 atangin khawchhunga an hmuh reng reng an man pawp pawp a, a then an tlan chhuak bawk. An man hlim hian mi 100 vel an man a, thil awmzia an zawh hnuah April 23 chawhnuah mi 80 vel an la man khawm a ni”
Heng an mante hi hmeichhia leh mipate bakah kum naupang te an awm nual a, eng vanga man nge an nih a hriat loh thu a sawi zui bawk a ni.
Tayetchuang khua leh YeNge khaw chhehvelah PDF sipaite an veivak nia an rin avangin an man khawm thu RFA Media ten an sawi a.
Tualchhung mipuite an man chungchangah Tanintari region, Military council thupuangtu Immigration U Yin Htwe, RFA Media ten Phone-a an zawhnaah engmah chhanna a awm rih lo a ni.
Political prison (AAPP) ten kumin 2023 April 21-a an thuchhuahah chuan Military council-ten thuneihna an lak hnu hian ram chhung mipui 21474 an man tawh a, heng zingah mi 17570 an la khung khawm mek a ni.
