Magwe region, A Thet Min township, Letpankhon khuaa USDP Party U Tan Zin hi Military council te hnena thu report-tu, mipui mantirtu leh sawisa thintu, ruihhlo zuar thin a nih bakah Military council ten phuahchawpa inthlanpui an buatsaih tumnaa hming list latu leh a kultai a nih avangin February 11 khan Asho Chin Defence Force (ACDF) tangrual, Minhla PDF leh Magwe chhim lam PDF ten an kah hlum thu ACDF ten an thuchhhuahah an tarlang.
Hetiang vek hian, February 12 khan Min Hla towndship chuanchung Panisone (Pa Ni Sung) khuaa khawsa, U Ye Kyaw pawh an kap hlum tawh a. Ani hi PDF te awmnaah a kal ru thin a, an chet velna hektuah te, mipuite bungrua chhuhsaktuah te, pawisa khawnnaah leh Military council sipaite nen ruihhlo zawrhho thinnaah te leh Military council-te inthlanpui turah pawh a phusa pawl a nih thu hriat a ni.
“Military council-te leh mi hektu te tangrualin Chin khua min luhchilh a, thalai rual an man a, pawisain kan tlanchhuak leh a. Khawchhung upa fate pawh ACDF-ah an tel ve a, Military council hnenah thu an thlen zel bawk sia. Military councilte hnenah mi hektu, kan khaw mi leh Chin mi te pawh ni se kan kap hlum zel ang” tiin ACDF-a thuneitu pakhat chuan a sawi.
Military council ten phuahchawp inthlanpui, an buatsaihna turah Ngaphe township, upper Minhla township, Mindone township, Chin khuaah USDP Party ten hming list an lak mek thu hriat a ni.
Magwe region, upper Minhla township, Joe San khuaah Military council te thunun Mytel tower pawh February 9 khan Asho Chin (ACDF) pawl ten an bomb chhe tawh a ni.
