Firfiak sipai hruaitu Min Aung Hlai chuan thi ta sorkar hnathawkte leh veng, khaw lalte chu chawimawina tangkapui pe tura a tih thu hriat a ni.
Chutiang chuan sorkar department lam chu firfiak sipai hotu Min Aung Hlaian thu a pek thu October ni 20-a chhuah letter no. 511 (183)/12/ hmanga thuchhuah siam a nih thu hriat a nih rualin Min Aung Hlaia kaihhruaina pek 9 pawh tarlan a ni.
Chu kaihhruaina 9 te chu September ni 28-a neih September ni 28-a neih tak military council security, peace and rule of law committee meeting note no. 5/2021-ah Min Aung Hlai chuan a lo sawi tawh nia hriat a ni bawk a.
Min Aung Hlai chuan thi tawh sorkar hnathawkte leh administrator-te chu chawimawina tangkaipui pek leh an chhungte tanpuina pe turin Home department leh Ministry of Union Government department-1 lamin sawihona neia report pe turin thu a lo pe tawh bawk a ni.
Chu bakah khawpui chhungah security khauh taka kalpui tur leh Home department leh sipai lamte thawkho tha turin Min Aung Hlai chuan kaihhruaina a lo pe tawh bawk a. Khit Thit media chuan Min Aung Hlaia kaihhruaina pek 9, official letter chu a dawng a, chungte chu a tul anga tarlan a nih tur thu a sawi a ni.
