Firfiak sipai hruaitu luber Min Aung Hlai chu tunah Pyin Oo Lwin atangin Shan state lam pana a kal mek rin a ni a. Chu a zin kawng atan Teak thing ril ker mawi ngata siam special rel compartment-ah Chaitone-a Wasipeik puithiam hnena a va inhlan tur thu hriat a ni.
Min Aung Hlai chuan amah leh a chhungte chuan atan bika a siamtir teak thing ril tha taka chei mawi rel special compartment nei chu Pyin Oo Lwin – Shan, Lashio lamah chuangin nuam sa taka a kal thu hriat a ni bawk a.
Chung rel compartment chhugnah chuan thutthleng, dawhkan, air-condition telin, zin kawnga mamawh tur ang chi a kim thei ang bera dah a ni a, thil dah zawng zawng pawh a thar vek leh teak thing hmanga a mawi thei ang bera a bik duan a nih rualin, chu rel (train) chu National Special Train tia koh bik a ni.
Firfiak sipai hotu Min Aung Hlai chu October ni 11-ah Pyin Oo Lwin-ah a rukin a thleng a, October ni 12-ah military academy lam selection neihna a tel pui a, October ni 13-ah DSTA department function-ah tel lehin, chu mi hnuah Pyin Oo Lwin atangin Shan State lamah a chhoh leh thu hriat a ni a.
News source pakhat chuan, “National special train hmangin a chhuak dawn a. Rel chu Naypyidaw tangin Pyin Oo Lwin lamah a rawn chho a. Pyin Oo Lwin atangin Shan state lamah a kal chho zel a ni,” tiin a sawi.
Min Aung Hlaia Pyin Oo Lwin leh Shan state zin kawng atan sipai force 200 velin rel kawng thenfai hna an thawk a, khaw chhungah police lam chu hmun hrang hrangah an duty fur mai bawk a. Kawng peng thuam tinah police 3 zel aw manga chhut a ni a. Chutih rualin kaw pawn lamah pawh sipai 10 bi ang zela insem darhin a ruka siam camp-ah an awm bawk a. Ani erawh chuan nuamsa takin a rel compartment tharah a chuan san tawh nia hriat a ni.
Shan state lam a thlen chuan Min Aung Hlai chuan Chaitone-a abiak ber Wasipeik puithiam Kawweihdah hnenah mawlsawmna leh vanneihna dil tura a kal ngei rin a ni bawk.
