March thla tir lam khan Pago region, Taungngu air force military headquarters hnuaia no. 42, fighter group zinga hmeichhe pawl leh military Industrial force lama sipaite chu inngaizawngin, hmeichhe pakhat chuan nau a pai a, chu chu no. 42 combating commander deputy colonel Kyaw Thun Lwin-an hre mah se, tihtlak tur a nih avangin, a hai der a, tihtlakna hun tur pein a chhuah a phalsak a, mahse sipai camp lama a rawn let lehin, a nau pai a lo hram deuh tawh a, Taungnguair force department hotu, no. 42 combating commander deputy colonel Yan Kyaw ten chu mi chungchang chu ngaihtuahin chu sipai hmeichhe naupai chu a vawi hnih nan an tihtlaktir leh thu hriat a ni.
Sipai chhungkaw zinga pakhat chuan, “Hmeichhe sipaite chu hun tiam a awm chhungin pasal an nei thei lo a. Chu mi chungchang ngaihtuah a nih chuan case an nei ngei dawn a. Chutah nau tihtlak tumna pawh chu deputy colonel Kyaw Thu Lwin-an hre reng chunga dang lovin, a phalsak a. Titla fel tawh angin a rawn haw a. Mahse, thla 4 hnuah a naupai chu a lo titla reng reng lova, neih ngei a lo tum zawk a ni. Chutah Taungngu air force headquarter hotu leh commander, ten hmeichhia chu an ngaihtuahtir a. A tawpah hmeichhia chuan a titla ta nge nge a. No. 43-a hotu ber Yang Kyaw-a pawhin cheng nuai 7 a pe a. A awmzia chu a tihtir a ni lo tihna ang, leh a hriatpui a, buai a peih loh avangin, a hai der tihna a ni. Chutianga tih chi chu a ni lo. Lainatna a neih loh thlak. Nausen thla 4 mi a ni tawh a, Myaitthila-ah tihtlaktir turin an kaltir a ni,” tiin a sawi.
Chu bakah sipai camp chhungah officer-te leh sipai lubawk nupuite chu mahni duh thu ngeia pawisa inpein, nawhchizuar ang thaw thangin, an khawsaho thin tih pawh hriat a ni.
Sipai chhungkhaw lama source pakhat chuan, “Chutianga naupai tihtlaktir bakah nawhchizuar ang thaw thanga pawisa inpea khawsakhona te a awm a. A chhan pakhat chu an hlawh dawn an kham lo lo a nib er mai,” tiin a sawi a.
Yangon sipai camp pakhata awm sipai pakhat chuan, “Sipai hmeichhiate chu office lama thawk an tam a. Chutah chuan an officer-te nen ni tin an inhnimhnai a, thil inpek leh pawisa inpekte an ching a, a tawpah officer hovin, an zawng chhang a. Hmun danga sawn an nihin an inhlat ta hlawm a. An awmho laia an remtih dun ang ngeia an khawsak dan a nih avangin, tu vakin an sawi chhuak ngai lo a ni,” tiin a sawi a ni.
Ni kum November thla pawh khan sipai chhungkaw zinga kaihrhuaina thuruk pakhatah khaw chhung sipai camp lamah cham bang sipaite nupui chunga pawngsualna case 5 chhui chhuah niin, sipai camp chhungah discipline vawng tha turin chu lehkha thurukah tarlan a ni a. Sipai training-na hmun pakhata commander Zaw Myo huan a sipai thawhpui pakhat nupui chu sex lama a lo thlem avangin, a chungthu rel a ni a. Chutiang bawkin no. 142 LIB-a colonel Tin Ko Htet pawhin deputy sergeant nupui nena an lo chet sual avanga hrem a tawh thu hriat a ni a.
Khit Thit media source pakhat chuan, “Ralhmatawnga chhuak sipaite nupuiho chu camp lama cham bang, sergeant clerk, commander, leh hruaitu dangten an pawngsualin, an lo chet sual pui thin a. Chutah ralhmatawng lama kal sipaiten chanchin an hriatin sipai camp lama awm officer-ten chutiang an lo tih chu thinrimin inkah mai duhna tea thleng thin a. Tunah chuan ralhmatawnga kalte chu engtikah nge an rawn haw dawn a hriat loh a, an rawn kir leh mang mang tawh lo bawk a ni. Thuneihna pawng lak a nih hnuah sipaiten darkar 24 zet an duty reng a. A tawi zawnga sawi chuan sipai hmunpui lama awm hmeichhiate chu pawngsual an tawkin, che sual lui ve hrim hrim pawh an awm bawk a ni,” tiin sawi bawk a ni.
