Min Aung Hlaing-an Putao-ah Zin Leh Tum

0

Military Council puipa ber, Gen. Min Aung Hlaing chuan October thla tir vel hian Putao-ah zin leh a tum thu hriat a ni.

September thla ralah emaw October thla tir vel hian Military Council puipa ber Gen. Min Aung Hlaing leh hruaitu lawk te nen Putao, Naungmon leh Khaunglan Phu–ah te thlen leh a tum thu Military News mi ten an sawi.

Nimahse, Northen Division, Military Headquarter bula News-a an hriat dan chuan ‘Sipai puipa ber kal lovin Vice Gen. Soe Win leh mi pawimawh te an kal zawk dawn niin an ring a.

An hlauh ruk em em, Military Council puipate kalna tur, Putao-ah hian Sipai lamtang, mipui Sipai leh tuna Naungmon (ေနာင်မွန်), Khaunglan vela awm Sipai lamtang, mipui Sipai Training te nen an inhmuh khawm dawn thu hriat a ni.

September ni 21 atang khan a tum 2-na atan Naungmon-ah Sipai lamtang, mipui Sipai mi 100 vel leh Khaunglan-ah Sipai lamtang, mipui Sipai mi 200 vel an Training thin thu hriat a ni.

Military Council puipa ber hian September ni 18 khan ni 2 awh tur a zin tumin Myitgyina a thleng a. September ni 19-ah Putao tlawh a tum lai mekin KIA te ralrel hun lai a nih avangin a thulh leh a.

A thulh tak, a tum 1, zin tuma a ruahman dan chuan khawchhung base, awmhmun an khuarna, Bunker te leh an hotute kawm a tum bakah Naungmon Township kianga Mague Zah-a Sipai lamtang, mipui Sipaite kawm a tum a.

Share.

Leave A Reply

Exit mobile version