Mindat-ah military council sipaite awmna hmun CDF ten an bei

0

Chin state, Mindat khaw chhunga military council sipaite inkhuarna hmun chu June ni 14 zing lamah Mindat-CDF ten an beih thu hriat a ni.

Mindat CDF te chu khaw chhunga National League for Democracy (NLD) office leh khaw luhna gate-a awm sipaite chu an bei a, anmahni tanpui tura lo kal sipai sipaite pawh khaw chhung Immigration office bulah lo lambunin khaw chhung hmun thumah inkahna a chhuah thu Mindat-CDF hruaitu pakhatin a sawi a.

Ani chuan, “Vawiin chu khaw chhung hmun thumah inkahna a chhuak a. Military council sipaiho awm rengna khaw luhna gate leh an inkulhna pakhat NLDF office-a awmte chu kan bei a. Chutia kan kah laiin, khaw chhung luhna gate lama sipai awmte tanpui tura thawk chhuak sipai pawl khat chu immigration office bul atangin kan lo lambun a, kan bei let nghal thei bawk a ni,” tiin a sawi.

Military council sipai lam chu an tuar zawka an tang avangin Mindat IB 274 leh Chauhthuh laipui regime pawl lamin laipui vawi 9 vel an kap chhuak a, 2 chu Buangte khaw bul, lo hmunah a tla puak a, thil a khawih chhiat leh chhiat loh CDF Mindat lamin an ngaihven mek thu thuchhuah an siam a ni.

Share.

Leave A Reply

Exit mobile version