Mindat khawpuiah hun khaihlak chhunga zirlai 11000 chuang ten zirlai hmanrua an mamawh hle.

0

Chin State, Mindat khawpuiah hun khaihlak chhunga zirlai naupang mi 11000 chuang tan zirlai hmanrua an mamawh hle thu Mindat township Public Administration, News and information chhinchhiahnaah tarlan a ni.

Myanmar-a Military Council ten sorkarna an lak hnu kum 1 leh a chanve hnu hian zirna, hriselna, sumdawnna leh nunphung dinhmun thleng a tla hniam vek a. Mipui kawngzawh te tiamin PDF leh Ethnic ralthuam keng pawl te nen Military Council-te an do mek a.

Heng zingah hian Chin State ten an hmachhawn nasa hle a. Chumi karah Covid-19 hri leng nen kum 2 chuang meuh zirna an hloh tawh avangin KG pawl atanga Grade 9 thleng zirna school an hawnsak ta a ni.

Heng zirna school-ah hian CDM te leh tlawmngaia zirtirtu inpe mi 1315 ten an zirtir mek thu hriat a ni a. Zirlai naupangte hian zirlai hmarua leh mamawh an neih tlakchham em avangin tanpui an ngai hle a. Zirlai mi pakhat phuhrukna atan Kyats 15000 a ngaih thu hriat a ni.

Zirtirtute hi sum indaih loh avangin thla hlawh anga pek theih an la ni lova, nu leh pa te hnen atanga khawn chawp sumin thla 1-ah lawmman angin Kyats 30000 vel an pek thu hriat a ni.

Share.

Leave A Reply

Exit mobile version