Chin State, Mindat township tlak lam mel 4 vel hlaah April 24 chawhnu dar 2:00 vel khan Military council sipaite leh PDF tangrualte minute 15 chhung an inkah thu hriat a ni a.
He inkahnaah hian thi leh hliam bakah thil chhia kimchang hriat theih a la ni rih lova.
April 23 chawhnu pawh khan Mindat township leh Yaw mite awmna hmun kawngpeng pakhatah PDF tangrualte leh Military council sipaite vawi 2 an inkap tawh bawk a ni.
He inkahnaah hian Military council sipai hmatawng 10 te an kah rawn a, Military council sipaite 7 an thi a, bomb leh silaimu tam tak PDF te an laksak nual bawk.
He inkahna avangin Military council sipaiten ralthuam lian an chelek nasa hle a, chenna in 3 an bomb chhiat chu hriat a ni a. Chuvangin PDF ten Mindat leh KyautThu kawngah mipuite veivak lo turin an hriattir a ni.
