Chin State, Mindat khuaah Military council sipaiten kohhran upa 3 an man te chu chawlhkar 2 chhung, eng chanchin mah hriat an nih tawh loh thu tualchhung miten an sawi a.
July 16 khan Mindat khuaa innghat Military council sipai Khah Lah Yah (IB) 274 te hian Presbyterian kohhrana rawngbawltu Pu Than Ki Un, kohhran upa Pu Chain Ki, Pu Hong Chhui leh Pu Hong Ki te chu an man a.
Rawngbawltu Pu Than Ki Un chu Military council sipaiten an dawpnaah thi chhawngin tuikawra an paih hnuah harh chhuak lehin a tlan chhuak a.
Mi dang 3 te chu vawiin thleng an chin hriat loh a ni a, July 30 khan an chhungten tawngtai inkhawm an hman thu an chhung hnaivai miten RFA Media an hrilh a ni.
Military council sipaiten Biak ina rawngbawltute an sawisak te hi human right dan an pal zut tiin CHRO thuneitu Salai Mang Hin Lian chuan a sawi a ni.
Military council-ten thuneihna an lak hnu hian Chin State-ah Military council sipaiten rawngbawltu mi 7 that tawhin mi 14 an man tawh a, Biak in leh kohhran in 70 chuang an tichhe tawh tiin Chin human right-ten an sawi a ni.
