Mindat leh KyautThut kawngah Military council sipaite leh Revolution pawl te an inbeihnaah Military council sipai 7 an thih thu CDF-Kanpetlet te hnen atanga hriat a ni.
April 23 khan KyuatThut khua atanga chhuak Military council sipaite leh Revolution-te an inbeihnaah Military council sipai 7 an thi a.
He inbeihna hi chawhnu dar 4:00-5:00 thleng a awh a, Military council sipai 7 an thih bakah CDF-Mindat sipai 1 a hliam thu hriat a ni a. Military council sipaite hnen atangin 60 MM bomb 1, 40 MM bomb 1 leh MA silaimu bawm 2 bakah hmanraw tam tak Revolution pawl ten an laksak nual thu hriat a ni bawk.
He inbeihnaah hian CDF-Mindat, CDF-Kanpetlet leh The Youth Force (Saw, Kyawthu) tangrual pawl ten an beih thu CDF-Kanpetlet ten an thuchhuahah an tar lang a ni.
