CDF-Mindat-ten eng vangin nge an thalai rualte phalna hmu lova ram chhung leh pawn chhuah an phal loh, Tuna CDF-Mindat te dinhmun leh a chhehvel te chu Mindat township Public Administration thupuangtu Salai Yaw Man, Khonumthung Media-in a biangbiakna, hnu khat nan i lo chhunzawm leh ang u.
Zawhna: Thalai rual te ram pawna chhuah in phal bawk si lova, tunah hian eng nge an thawh tak ang le?
Chhanna: Thawh tur chu a tam mai. Thenkhat naupang te chu zirna an chhunzawm thei a, nu leh pa te an thawhpui, khawchhungah thawh tur a awm nual mai a. Hmunpui angin ei in tha awm lo mah se, thawh peih chuan a awm reng. Revolution-ah tih tur a tam mai a, lut theuh tur pawhin kan insawm a, an lut duh lo a nih pawhin zirna, hriselna leh kohhran lamah tih tur a awm nual bawk a. Thingtlang mah ni se, Mindat khawpuiah hian Thingrai laih leh inhlawhfa te pawhin ni khat Kyats 5000 chuang a hlawh chhuak thei a ni.
Kum 2021-2022 ang em emin Mindat khuaah inkah buaina a awm tawh lova, khaw chhuah dawn Gate-ah PDF-ten an duty reng a, khaw pawn chhuah dawn pawhin zalen takin a chhuah thei a. He dinhmun thleng pha turin kan hnam pasalthaten ram tan an nunna an hlan nual tawh a ni.
Zawhna: Thalai rualte ram pawn chhuah in khapna hian revolution leh CDF-Mindat tan tangkaina a nei thei ang em?
Chhanna: CDF-Mindat te hian thalai rual te kan khap vek lem lo. Khawchhung tan hriselna lam leh kohhran lamah an tangkai thei a. Revolution leh CDF-Mindat-a lut vek turin kan phut hran lo. Thalai rual ram pawna an chhuah vek chuan CDF-ten rinchhan tur kan nei dawn lova, kum 2 chuang kan buai tawhna atangin khaw hrang hranga mipuite tan an thawhna hian revolution te kan puihna ang a ni a, sum leh paia kan thawh theih a nih phei chuan a lawmawm lehzual ang.
Zawhna: Thil dang sawi duh i la nei em?
Chhanna: Heti anga thupek kan chhuahna hian Democracy kalphung pawh a ni lo mai thei. Mahse, Kan thil tawn dan kan chhui hian hetia kan tih loh chuan kan mipuite tan a derthawng em em a, ka hneh hma loh beih fat fat kan duh avangin thuchhuah kan siam ringawt a ni. Revolution hi kan tin zawn ber a, human right pal zut ang pawh min ngai mai thei, kan inkhuahkhirhna hian rah tha a chhuah zawk a rinawm a, a tul angin tih dan pawh kan thlak zel ang chu.
