Mipui leh CNO/CNDF inkar kehchhe turin military council-in hem a thlak

0

Chin state Falam khuaah mipui leh Chin Naitonal Oraganizaion (CNO/CNDF) te inkara inhmuh thiam lohna awm turin military council-in kawng hrang hranga hem a thlak thu CNO lam an sawi a.

Military council sipaiten June ni 15 zan khan Falam khua, Chin-mual veng, high school no. 2 bula sound bomb tipuakin mipui an tihthlabar bakah ‘In fate ruang chhar in duh loh chuan school duh suh u’ tih hriattirna lehkhate tar a ni a, mahse chung thil titute chu CNO/CNDF leh Falam mipui inkara inhmuh thiam lohna awmtir tumtu military council sipaite hem thlakna mai a nih thu Chin National Organization chuan June ni 20-ah thuchhuah a siam a ni.

Chu thuchhuahah chuan, “Kha sound bomb tipuah chu mipui leh CNO/CNDF te inkar tihchhiat tum dan military council sipaiho thil tih dan a ni,” tia tarlan a ni a.

June ni 17 zan dar 10 velah pawh Tlanglo veng, high school no. 3-a security la, military council sipaite inkarah inkahna chhuak sipai pakhat chu a hmuna a thih thu hriat a ni.

Chu bakah military council sipaiten Chin CDF pawl nena inkap anga lantirin an awmna bul vel chu an tawng pawng kah a, LIB 268 chhunga 122 mm an kap vak a. Chutianga silai an pawng kah puah avangin, pawisawi lo civil mi pakhat bana kah fuh a nih rualin in chhunga thil tam tak an tichhia a, chutih rualin Baila khuaa chenna in pakhat pawh laipuiin a den chhiat bawk thu CNO an tarlang bawk a.

June ni 19, zan dar 10 velah pawh Falam khua, sipai awmna hmun atangin laipui awmze nei lovin vawi 5 zet kah puah a ni a.

CNO/CNDF chuan International military law zawmin zirlaite, zirna in te tihchhiat an tum loh thu leh a chunga sawi tak thil thlengte chu military council-in mipui leh CNO/CNDF te inkara inhmelmakna thlentir tuma an thil tihte a nih thu CNO chuan thuchhuah a siam a ni.

Share.

Leave A Reply

Exit mobile version