Chin State, Tawnzang township, Sialthawzang khua, Singgialzaang khawthara mitthi ral tura kal Motor pakhat a chetsual avangin mi 7 an boral thu tualchhung mite hnen atanga hriat a ni a.
June 24, chhun dar 12 vel khan Singgialzaang khawthar atanga Sialthawzang khaw lam pan Pu Mang Khin-a Car chu, thinga leidawh a zawh laiin an chim thu hriat a ni a.
“Singgialzaang khawthara mitthi ral tura kal an chhung te Car chuanna chu leidawh a zawh laiin a chim avangin an chesual a, mi 7 an boral a. mi 2 hliam te erawh Yaragyo (Ya Ra Chu) khua Clinic-ah an enkawl mek” tiin Sialthawzang khuaa tualchhung mi pakhat chuan a sawi a.
Motor eksiden-a boral Car neitu ni bawk driver Pu Mang Khin telin naupang leh hmeichhia te chu June 25, chhun dar 12 khan Kristian dan anga an vui liam thu hriat a ni bawk.
Car-ina a zawhna leidawh hi thing mawih tawh tak te a nih thu a zawhtuten an sawi thu hriat a ni a.
Sialthawzang khua hi Yaragyo (Dam) khua atanga mel 3 vel hlaa awm a ni a, Kalaymyo atangin mel 20 vel hlaa awm a nih thu hriat a ni bawk.
