India hmar chhak state, Mizoram ram-a raltlan Myanmar mite chu Mizoram health department leh tualchhung pawl hrang hrang thawhhona angin ngaihpawimawh leh duhsakna lantir nan nimin August ni 17 atangin Covid-10 vaccine injection hna kal pui a nih thu hriat a ni.
“Champhai district-a Myanmar mite chu Mizoram state Chief Minister Zoramthanga kaihhruaina leh tualchhung pawl hrang hrangte thawnhona hmangin he Covid vaccine injection thei kan ni,” tiin he hna tanpuitu zinga Myanmar lam mi pakhat chuan a sawi.
Myanmar mite vaccine lak hi India siam chhuah niin, a vawi khat (1st dose) injection tan a nih chauh thu hriat a ni a. Tun dinhmunah Myanmar MP (member of parliament) 20 leh Chin state Chief Minister telin, Myanmar raltlan 10000 chuang chu Mizoram hmun hrang hrangah an awm mek a.
March thla khan India sorkar laipui chuan Myanmar ram atanga India ramri kana lo kalte chu dang tur leh lut tawhte pawh thawn kir turin Northeast state-te chu a nawr a. Mahse, Mizoram state chuan mahni mihring puite leh unaute harsatna haider theih a nih loh thuin, Chief Minister leh MP ten central lam hrilhin, chhawmdawlna pe turin an lo ngen zawk bawk a ni.
