India, New Delhi khawpuia Monsoon session Parliament an neihnaah Union Home Minister chuan Manipur State-a Tribal te hi Myanmar mi te an nih thu a sawinaah Mizoram MP Pu K.Vanlalvena chuan Myanmar mi te an nih loh thu August 10 khan House-ah a an khum nasa hle a.
August 10-a India Parliament thutnaah hian Mizoram MP Pu K.Vanlalvena chuan “Union Home Minister Amit Shah hian Manipur State-a Tribal te hi Myanmar mi te an ni tiin a sawi a, kei pawh Mizoram MP leh Zofate tana MP ka nih thu ka au chhuahpui a. North East tlangram hi kan ta a ni a, humhalh turin hlauh kan nei lo. British lo luh hmain kum 200 he ramah hian an lo awm tawh a, India Independence hmain rei tak an awm tawh a, Myanmar mi emaw, foreigner emaw kan ni lo” tiin a au chhuak a ni.
Manipur State-a Meitei-ten Zofate awmna tlang chhehvel chu India dan anga Scheduled Tribal-a rin luh an tum avanga Zo hnahthlak te nen buaina a chhuak avangin Biak in leh in 350 an hal chhe tawh a, mi 130 chuang an that tawh bawk a, thla 3 chuang a buai hnu pawhin vawiin thleng a la reh thei lo a ni.
