July 10 tuka All India Radio News Aizawl-in an tar lan danin Mizoram Police-te chuan kumin January ni 1 aţanga June thla tawp thleng khan heroin kg. 35 leh gram 15 an man tawh a, Methamphetamine kg 48 leh gram 21 an man tawh thu hriat a ni a.
IGP (Law and Order) Pu Lalbiakthanga Khiangte hnen aţanga thu dawn danin kumin kum chanve chhunga heroin kg 35 chuang man a nih tawh laiin nikum chhung khan kg. 49 leh gram 367 man a ni a, kum chanve chhungin nikum puma man zat a pha ţhelh tawh thu a sawi a.
Heroin hi kum 2019 khan Police-in kg. 10 leh gram 597 an man a. Covid-19 hluar lai, inkharkhip bakah Myanmar ramri khar a nih kum 2020 khan kg. 8 leh gram 524 an man a. Kum 2021 khan kg. 15 leh gram 792 an man tawh a. Methamphetamine hi kum 2019 khan kg. 27 leh gram 193 an man a, kum 2020-ah kg. 548 leh gram 718 an man a. Kum 2021 khan kg. 153 leh gram 778 an man leh a. Nikumah khan kg. 217 leh gram 295 an man tawh thu a sawi zui bawk a ni.
Heroin man kaihhnawihah hian kuminah thubuai 89 ziah luh a ni tawh a. India mi 123 leh ram dang mi 18 man an ni tawh a. Methamphetamine kaihhnawihah thubuai 8 ziak lut tawhin India mi 14 leh ram dang mi 1 man an nih thu hriat a ni bawk.
Thai news chuan a tar lang a ni.
