India, north-east-a awm, Mizoram State, University-ah Institute of Chin Affairs (ICA)-te leh Mizoram University MZU-te tangkawp ten, Burmese Language zir tan an nih dawn thu hriat a ni.
Mizoram University-a Burmese Language, zir tan hun tur hi October thla atangin tan a ni dawn a, Burmese Language Diploma leh Communication Skill ten an zirtir dawn thu ICA leh MZU ten a thuchhuahah an tarlang.
Mizoram University-a Prof. Lalnilawma chuan “ Kan tumdanah chuan Graduate te bakah mi dang te zir duh ten, in register a tul ang a. Zirtirtu pawh a awm tawh a. Burmese Language thiam te chu Burma ram a that huna inkalpawh tawnnaah leh insumdawn tawnnaah NGO thlengin a tangkai dawn avangin heti hian hma ka la chho tan a ni” tiin Khonumthung Media Group a hrilh.
Zirtirtu atan Burmese Language-a Ph.D, Dr. Elis Thangi lak a ni a, ani hi Burmese Language leh Mizo tawng thiam tak a ni bawk.
Mizoram University-a Burmese Language zirtirnaah hian Burmese hrawrawp kalhmang, Grammar, ziak leh chhiar dan thlengin a zirtir dawn thu hriat a ni.
Tun tum Course-ah hian Semester 2 a awm ang a, thla 10 chhungin darkar 120 chhung zir a ni ang a, a dang darkar 30 chu mahnia inzir chawp tur a ni.
Burmese Language zir duh tan mi pakhatah Admission fee Rs.1000 a ni ang a, lehkhabu leh Audio file bakah thil pawimawh leina atan Rs.1200 senso a ngaih dawn thu hriat a ni.
