Mizorama Refugee CDM Zirtirtu pakhat Kawmna

0

Myanmar ramah February ni 1 atangin sipaiin ram chhung thuneihna an pawng lak dodalna leh sipai thuneihna paihthlak nan sorkar hnathawkten Civil Disobedience Movement (CDM) an kalpui nghal a. Myanmar ram pumah CDM kalpuina kawnga thawh hlawk ber chu Chin state niin, sorkar hnathawk sing hnih chuan awmah sing khat sang li chuang chu sipai thuneihna hnuaiah hna thawk chhunzawm duh lovin, CMD an zawm a. Chin state-a CDM zawm sorkar hnathawkte chu Indo-Myanmar ramri Mizoram state lamah sahim nan an tlan lut hlawm a. Chutianga harsatna hrang hrang paltlang leh hmachhawn mek CDM zawmte zinga mi, Mizorama awm – Matupi township-a zirtirtu hna thawk thin hmeichhe pakhat KMG media-in a interview-na hi han tarlang ila.

Zawhna: Hmun him lama kal i tum chhan min hrilh thei em?
Chhanna: Hmun him lama kal hi ka duh lo, mahse CDM duh lote an awm thei a, tun hma pawhin ka lo tawng tawh a, chutianga tawn leh ka hlauh avangin, he lam hi ka thleng ta a ni.

Zawhna: Hmun him zawk, ramri kana i rawn kal dan eng harsatnate nge i tawn?
Chhanna: Ramri-ah thla khat chuang vel kan awm a, ramria awm khaw miten min dawng sawng a, mahse India sipaiten awm min phalsak loh avangin, thla khat hnuah min hawtir a. Silai kengin an rawn kal a, min rawn tihthaih pawh ni mai thei. Kan awmna room thlengin an rawn endik vek a, kawngkharte pawh min chhut hawntir a, engzat nge awm tih an endik hnuah min din tlar tir vek a. Kan thlate an la a. Min hawtir vek laiin motor awm remchangah chuangin he lamah kan rawn kal ta a ni. Gate kan thlenin gate-a awmten min hawtir leh a. Mizotawngin min bia a, mahse kan zingah tumah Mizo tawng thiam an awm lo a. Chutih lai chuan hlauthawn leh lungphu dep depin khi lama min hawtir pawhin awmna kan nei dawn tawh chuang lo a, tiin ka ngaihtuah a. Darkar khat vel thil min zawt a. Naupangte an kal avangin inhnawh haw rikngawt chu min khawngaih ve bawk a. Kan driver pawhin min dilsak a. A tawpah naupang ho an hmu chiang a, an rilru an thlak ta a ni ang, min kaltir a, he lam hi kan rawn thleng ta a ni.

Zawhna: He lamah eng harsatnate nge i tawn?
Chhanna: Eng harsatna pawh nise, engah vak ka ngai tawh lo. Ramhnuaia awm CDF te, CNA thalaite harsatna ang emin kan la harsa lo a. Ei tur tha leh tui deuhte ka ei chang apiangin anni ho khan an ei thei ve ang em tih rilru puin ka awm a nuam leh thin a, mahse mahni ei chak zawng pawh khaw chhungah kalin kan lei thei lo. Khaw chhung a hlat em avangin, a chaha chahte a ngai a. Chutiang hunah chuan anni chu ramhnuaiah engti khawpin nge an harsat ang tih ngaihtuahna neiin kan ei chak leh tihchak zawngte pawh ka insum phah thin a ni. Damdawi in lama kal pawhin tawng kan hriat thiam loh avangin, tawng thiam hruai a ngai thin a. Kan in neitute hi tanpui kan dil fo thin a ni.

Zawhna: I fapa hmalam hun tan hian i rilru a hah thin em?
Chhanna: Kan fapa hi kum thun a tling tep tawh a. A la naupan deuh avangin, engvak a la tihsak theih loh a. Kan ram chhunga naupangho hma lam hun ngaihtuahin keima tan chauh hmasialin ka ngaihtuah duh lo. Ram puma awmte hma lam hun a bo laia kum 3 mi chauh, ka fapa hma lam hun chu eng tham mah a ni lo.

Zawhna: CDM zawm avangin i inchhir ngai em?
Chhanna: CDM zawm loh avanga inchhirna chu a awm ang. CDM zawm avanga inchhirna chu a awm lo. Party tana ti kan lo a. Mimal tana ti pawh kan ni lo. Indona hi ka duh loh vang a ni. Kan khua Matupi lamah chuan indona sawhkhawk hi kan tuar nasa hle a, chuvangin, indona ka duh lo a, tuma min nawr luihna pawh ni lovin, indona ka duh loh avangin CDM hi ka zawm a ni.

Zawhna: Nangmah ang bawka CDM zawmte hnenah enge i sawi duh?
Chhanna: Tunah chuan thla tam a ral tawh a, rilru beidawngin an awm mai thei. Kan thil tih hi a dik nge dik lo tia mahni inngaihtuah let hnuhnawh hunte pawh a awm mai thei. Lung hnual hun, harsatna huna CDM zawmten inchhirna an nei a nih chuan, heti hian ka fuih duh a. Sipai thuneihna kan duh loh avangin keini sorkar hnathawkte tih theih chu CDM zawm hi a ni a, hei hian a awmzia a nei hle a, dawh thei takin i nghak ang u, zirna lama mi dangte zirtirtu ka nih angin, kan fate chu history dik chiah zirtir ka duh, lunghnualin beidawng suh u tiin ka fuih duh a ni.

Share.

Leave A Reply

Exit mobile version