India, Mizoram State, Champhai-ah February 15 chawhnu khan Chin mi pakhatin a nupui hlui a kah hlum thu hriat a ni.
February 15 chawhnu dar 6:45 vel khan Chin pa pakhat Pu Bawi Ro Piang chuan Champhai Kanan Venga awm, a nupui hlui kum 43 mi Pi Siang Ngun Par chenna inah a luhchilh a, a intihthiam loh hnuah ulhbun silaiin an kah hlum a ni.
Hetia a kah hlum hnu hian Pu Bawi Ro Piang hi Indo-Myanmar ramri Zokhawtharah a tlanchhe nghal a, Chin State lamah a tlan chhunzawm thu hriat a ni bawk.
Pu Bawi Ro Piang hi tun hmain Driver a ni thin a, Herion a phurh avangin man a ni tawh a Champhai Kanan Veng atangin an hnawh chhuah tawh thu Champhai YMA an sawi a ni.
A kah hlum tak Pi Siang Ngun Par hian fa 3 a kalsan a, a fa naupang ber hi rualbanlo a nih thu hriat a ni bawk.
