Shan State chhim lam, PheKon township, MoeBye khawpuia inbeihnaah Military council sipai 20 aia tlem lo an thi a, MoeBye PDF thuneitute zinga pakhat chuan Yangon Khit Thit Media a hrilh a.
June 11, zing atanga tlai thleng khan Military council sipaiten ralthuam lian hmangin vawi 100 chuang meuh MoeBye khua an bomb a. Heng Military council sipaite hi PDF tangrual pawlten an chhan letnaah Military council sipai 20 aia tlem lo an thih thu hriat a ni a, Moebye PDF sipai 1, KNDF B-03 sipai 2 leh URF sipai 1-te ram tan an nunna an hlan thu hriat a ni bawk.
“Zing atangin tlai thlengin kan inbei a, Thlawhna atanga min beihna erawh a awm hran lo” tiin MoeBye PDF thuneitu zinga pakhat chuan Yangon Khit Thit Media a hrilh a.
He inbeihnaah hian Moebye PDF, KNDF B-03 leh URF tangrualten an beih rawn a, sipai 4, ram tan an nunna an hlan bakah sipai 3 an hliam thu hriat a ni bawk.
Moebye khuaah hian Military council sipaite leh PDF tangrualte an inbeih nasat thin avangin tualchhung mipuite tei chhuak lo turin leh MoeBye-PiKin kawngah pawh veivak lo turin No.1001, MBPDF-ten mipuite a hriattir a ni.
