Mon State, MawLaMyaing, MuhDon leh TanPhyu ZaYat townshp-ah July 19 atanga tui lian avangin naupang 3 an boral a, tualchhung mi 6000 chuangin hmun hlim lamah an inthliar chhuah thu Tlawmngai pawlten an sawi a.
MawLaMyaing khawpuiah ruah a sur nasat avangin tui a lian nasa hle a, naupang 3 tuiin an len hlum a, tui lian avangin a khaw chhehvela tualchhung mi 6000 chuang an inthliar chhuah thu an sawi bawk a ni.
July 20 tuk khan MawLaMyaing khawpuia khaw thenkhatah ruah a sur nasat avangin tui a lian nasa hle a, tui lian tuarte an tanpui nual thu an sawi zui bawk a.
MawLaMyaing, TanPhyu ZaYat leh MuhDon township-a tui lian tuarte tanpuina chungchangah Mon State, Military council thupuangtu U Toe Win RFA Media-in phone hmanga an zawhnaah chhanna an la awm rih lo va.
Tualchhung tui lian tuar te hi Township-a Military council-ten an chhawmdawl niin an sawi ve a, kham khawp an pek leh pek loh an hriat loh thu an sawi bawk a ni.
Kum 2019 June thla pawh khan MawLaMyaing, MuhDon, Paung, TanPhyu ZaYet leh Ye township-ah tui lian avangin mihring 8000 chuang an inthliar chhuak tawh a.
Military council-ten July 19-a khawchin kal tawh dan an chhut danin kum 71 chhungah ruah tui tlak tamna ber a nih rualin kum 42 chhunga ruah sur nasat ber tum a nih thu an tar lang bawk a ni.
