Shan State hmar lam, Mongmit township, KyaukMaw (Chauh Maw) khuaa police Station chu May 24-a an beihnaah police sergeant telin police 4 an thih thu All Burma Students’ Democratic Front (Nothern ABSDF)-ten an thuchhuahah an tar lang a.
He inbeihnaah hian police-te an hman mek silai 6, silaimu, vawm bomb leh ralthuam hmanrua tam tak an laksak nual a, police station-a hmeichhe 3 leh naupang 2 te an hruai chhuah thu hriat a ni bawk.
KyaukMaw khuaa buk khuar mek Military council sipaite leh police te hian Lirthei tlan tlang reng reng dawm dingin an duh zat zat pawisa an dil thin a, eichawp leh bungraw phur reng reng an duh duh zat an khawn thin avangin mipuiten an report hnuah hetia beih an nih thu ABSDF-ten an thuchhuahah an tar ang a ni.
He inbeihnaa Military council sipaite thi leh hliam chungchangah Irrawady Media chuan nemngehna chiah a la nei rih lo a ni.
