Sagaing region, Monywa township, Yekansu khuaah Military council sipaiten June 7, zing dar 4:30 khan an luh chilh a, nuasen pakhat telin tualchhung 6 an kah hlum thu hriat a ni a.
Military council sipai 100 rualten Yekansu khua an luh chilh a, tualchhung mipui an tlanchhiat laiin Military council sipaiten mipuite 6 an man a, an sawisak hnuah an kah hlum thu tualchhung mi pakhat chuan a sawi a.
“Mipa 3, hmeichhe 2 leh nausen pakhat an kap hlum a, nau piang hlim ni 5 lek pawh an sawisa hlum” tiin Yekansu khua leh a hnaivai mi pakhat chuan a sawi a.
Military council sipaite hian khawchhung an luh hian bungrua an tihchhiat bakah an laksak nual a, Bike pawh an hal chhe nual thu hriat a ni bawk.
Military council sipaiten an Telegram-a an tar lan dan chuan Yekasu khuaa zirna school-ah Revolution pawlte nen kan inbei a, tualchher bomb leh silai kan laksak nual tiin an tar lang a. Tualchhung mipuite chuan inkah buaina eng mah awm lovin min luh chilh a, kan mi te an kap hlum a ni tiin an sawi thung a ni.
