Myanmar Military council ten MP 80 telin NLD Party hruaitu mi 1232 an la hren mek thu NLD Party ten January 29 khan an thuchhuahah an tarlang.
NLD Party-a human right lam chhuitu pawl NLD-HRDT tena an chhinchhiah dan chuan kumin January 5 thleng khan pawi sawi lo MP pahnih leh NLD Party hruaitu mi 84 an thah tawh thu an tarlang a.
Heng bakah hian chenna in an kalhsak 605 a awm tawh a, heng zingah MP In 206 leh NLD Party hruaitu In 371 a tel thu an thuchhuahah an tarlang bawk.
Military council ten thuneihna an lak kum 2 dawn hnaihah hian NLD Party Office suasam leh an bungrua laksak vawi 120 an tawk tawh a.
Military council ten ram chhung inthlanpui an buatsaihna turah NLD Party ten hma an la zel dawn a. Military council thlawptute an awm chuan ram phatsantuah an ngaih dawn thu NLD thuchhuah chuan a tarlang bawk.
NLD-HRDT ten an chhinchhiah dan chuan Military council ten thuneihna an lak hnu atangin kumin January 5 thleng hian Military council ten chenna in hal leh a kaihhnawih thil, vawi 913 an beih tawhnaah In 35969 an tiriral tawh a ni.
Heng avang hian ASEAN-a tel ram te leh Federal Democracy a din chhuah theih nan ram hrang hrang ten Military council te na taka hrem turin NLD Party chuan a phut a ni.
